პროტოპლაზმა (Protoplazma)

წამლის ფორმა

საინექციო ხსნარი, გამოიყენება ვეტერინარიაში

ფარმაკოთერაპიული ჯგუფი

იმუნომასტიმულირებელი, ანტისტრესული, ანტიმიკრობული, ანტივირუსული, ენერგეტიკული საშუალება.

სამიზნე სახეობა

ყველა სახის ცხოველი და ფრინველი

შემადგენლობა

1მლ შეიცავს: დასის კონცენტრატს (ბიოლოგიურად აქტიური ნივთიერებების კომპლექსს, მცენარეული ღეროვანი უჯრედების ნუკლეოპლაზმურ და ნანო ციტოპლაზმურ ნაერთებს, რომელიც მიღებულია სპეციალურად დამუშავებული მარცვლოვნებიდან - სასტ 201946895-004-2019) – 100მგ

დამხმარე ნივთიერებები: საინექციო წყალი

გამოშვების ფორმა

1მლ, 5მლ ნარინჯისფერ მინის ამპულებში

20მლ, 50მლ, 100მლ ნარინჯისფერ მინის ფლაკონში

ფარმაკოლოგიური თვისებები

პრეპარატი “პროტოპლაზმა”-ს, საინექციო ხსნარს ახასიათებს იმუნომასტიმულირებელი, ანტისტრესული, ანტიმიკრობული, ანტივირუსული, ენერგეტიკული მოქმედება, დასის ბუნებრივი ბიოლოგიურად აქტიური შენაერთის მდიდარი, მრავალკომპონენტიანი შემადგენლობა უზრუნველყოფს პრეპარატის მაღალეფექტურობასა და მოქმედების ფართო სპექტრს, გააჩნია ანტიბაქტერიული, ანტივირუსული აქტივობა. ასევე გამოხატული აქვს რეგენერაციული, დეტოქსიკაციური თვისებები. პრეპარატი მოქმედებს გრამდადებითი, გრამუარყოფითი ბაქტერიების, ენტერობაქტერიების ცალკეული სახეობების (Eსცჰერიცჰია ცოლი, Pროტეუს ვულგარის, შალმონელლა სპპ., შტაპჰყლოცოცცუს სპპ, შტრეპტოცოცცუს სპპ.,) და სხვა მიკროორგანიზმების (Pასტერეულა სპპ., ჩორყნებაცტერიუმ სპპ., ჩჰლამყდია სპპ., Mყცოპლასმა სპპ.) მიმართ. ასევე ამჟღავნებს ანტიმიკრობულ აქტივობას ანტიბიოტიკების მიმართ მდგრად უმარტივესებზე და ბაქტერიების შტამებზე, ამასთან, არ თრგუნავს სასარგებლო მიკროფლორას.

პრეპარატისMმოქმედების მექანიზმს საფუძვლად უდევს პათოლოგიური მიკროორგანიზმის გარეგან მემბრანაზე ზემოქმედება, აღწევს პერიპლაზმატიკური სივრცის შიგნით, ირღვევა უჯრედის მთლიანობა. ციტოპლაზმაში მოხვედრილი პრეპარატი უკავშირდება პოლიანიონებს (დნმ, რნმ) და იწვევს ბაქტერიების ზრდა-განვითარების შეფერხებას, შედეგად ძლიერდება ორგანიზმის იმუნური სისტემა.

პრეპარატი ააქტიურებს იმუნური დაცვის სპეციფიკურ და არასპეციფიკურ რგოლებს, კომპლემენტის სისტემას, ფაგოფიტოზს, იწვევს ლიმფოციტების - ბუნებრივი ქილერების (NK-უჯრედების), Т- და В-ლიმფოციტების ფუნქციური აქტივობის ნორმალიზებას, იმუნოგლობულინების დონის კორექციას. ძლიერდება ორგანიზმის დამცავი მექანიზმები, მაკროფაგების ფუნქციური აქტივობა, ბრკოლდება იმუნოფატიის განვითარება სტრესების დროს და ხელი ეწყობა ორგანიზმის რეზისტენტობის ამაღლებას. ინარჩუნებს იმუნომაკორიგირებელი უჯრედების ბალანსს ინფექციური და ვირუსული დაავადებების დროს და უზრუნველყოფს ორგანიზმის ნორმალურ ჰომოესტაზს.

პრეპარატი “პროტოპლასმა”-ს ენერგეტიკული მოქმედება განისაზღვრება მასში შემავალი კომპონენტების თვისებებით, იგი აფართოებს ორგანიზმის შესაძლებლობების ზღვარს, ხელს უწყობს კუნთების მასის, მოძრაობის სიჩქარის, ძალების აღდგენისა და ამტანობის ზრდას.

გამოყენების ჩვენებები

პრეპარატი გამოიყენება როგორც იმუნომასტიმულირებელი, ანტისტრესული, ანტიმიკრობული, ანტვირუსული, ენერგეტიკული საშუალება.

-              იმუნიტეტის ფორმირებისა და სტიმულაციისათვის, ბუნებრივი რეზისტენტობის ასამაღლებლად;

-              სტრესულ სიტუაციებში, სტრესული მდგომარეობების თავიდან ასაცილებლად და შესამცირებლად (ტრანსპორტირებისას. ოპერაციის წინ და შემდგომ პერიოდში, ცხოველებისა და ფრინველების ფიქსაციისას);

-              სხვადასხვა ეტიოლოგიის სასუნთქი გზებისა და კუქნაწლავის ბაქტერიული და ვირუსული დაავადებების პროფილაქტიკისა და მკურნალობისათვის კომპლექსურ თერაპიაში;

-              ვაქცინაციის ეფექტის გასაძლიერებლად.

-              ორგანიზმის ხანგრძლივი ფიზიკური დატვირთვისა და დაძაბულობისას აღადგენს ძალებს და ზრდის ამტანობას.

 

გამოყენების წესი და დოზირება

გამოიყენება ფრინველის, მსხვილფეხა და წვრილფეხა რქოსანი პირუტყვის, ცხენის, აქლემის, ღორის, ძაღლის, კატისათვის

 მკურნალობის მიზნით::  კუნთში, 1-2 მგ/კგ.ც.წ-ზე ან 0.1-0.2მლ /10კგ. ცოცხალ წონაზე 24-48სთ-ში ერთჯერ, არაუმეტეს 5 ინექციისა. აუცილებლობის შემთხვევაში მკურნალობის კურსი 5-10 დღეში უნდა გამეორდეს.

მკურნალობის ხანგრძლივობა დამოკიდებულია კლინიკურ და თერაპიულ ეფექტზე. საჭიროების შემთხვევაში დასაშვებია დოზის გაორმაგება.

 ინფექციური დაავადებების პროფილაქტიკისთვის: ერთჯერადად მისაღები დოზა თვეში 2-3-ჯერ;

მასობრივი დაავადებების დროს: ერთჯერადად მისაღები დოზა დღეგამოშვებით, 72სთ-ში ერთჯერ, 5-10 დღის განმავლობაში;

ცხოველის მდგომარეობის გაუარესებისა და დაავადების საწყის სტადიაზე დიაგნოსტიკის შეუძლებლობისას: ერთჯერადად მისაღები დოზა 2-3-ჯერ 3-5 დღის ინტერვალით.

ვირუსული ინფექციების (ადრეულ სტადიაზე) სამკურნალოდ: დღეში ერთჯერ კუნთში, კანქვეშ 5-დან 10 დღის განმავლობაში. მკურნალობის ხანგრძლივობა დამოკიდებულია კლინიკურ და თერაპიულ ეფექტზე. საჭიროების შემთხვევაში დასაშვებია დოზის გაორმაგება მასტიმულირებელი ეფექტისათვის  - 2-3-ჯერ 3-5 დღის ინტერვალით მოზარდეულის ბუნებრივი რეზისტენტობისა და ზრდა-განვითარების სტიმულირებისათის: კუნთში, სიცოცხლის 1, 3, 5 ან 7 დღეს, შემდგომში თვეში ერთხელ;

სტრესული მდგომარეობების შედეგების აღმოსაფხვრელად (მაგალითად, დაკვლის წინ, ტრანსპორტირებისას, გაპარსვისას და ა.შ.) - ერთჯერადად მისაღები დოზა, სტრესულ ზემოქმედებამდე 10-18 სთ-ით ადრე.

ოპერაციის წინ მოსამზადებად: ერთჯერადად მისაღები დოზა 1-ჯერ,

ოპერაციის შემდგომ პერიოდში: 2-3-ჯერ, 3-5 დღის ინტერვალით.

ცხენების დოღის წინ, ინტენსიური ვარჯიშისა და ფიზიკური დატვირთვის პერიოდში (დილით ვარჯიშამდე 3-4 სთ-ით ადრე): კუნთში, კანქვეშ ინექცია 5 მლ ერთ სულზე (1 მგ/კგ ც. წ-ზე) კვირაში ერთჯერ სამი კვირის განმავლობაში, შემდეგი 1,5 კვირის განმავლობაში  კვირაში ორჯერ, ყოველ მეოთხე დღეს შეჯიბრებამდე 24 სთ-ით ადრე პრეპარატის მიღება წყდება.    პრეპარატის გამოყენებისას საჭიროა ასეპტიკისა და ანტისეპტიკის წესების დაცვა. თითოეული ცხოველისთვის გამოიყენება ცალკე ნემსი. ინექციის ადგილი დაამუშავეთ ანტისეპტიკური ხსნარით.

 

გვერდითი მოვლენები

ინსტრუქციის შესაბამისად პრეპარატის გამოყენებისას, გვერდითი მოვლენები და გართულებები არ აღინიშნება.

შეთავსებადობა

პრეპარატის თავსებადია ვაქცინებთან, შრატებთან (იმუნოგლობულინურ თერაპიასთან) და სიმპტომატურ საშუალებებთან (ანტიბიოტიკები, ვიტამინები, საგულე პრეპარატები)

 უკუჩვენებები

მაკეობის პერიოდში პრეპარატი გამოიყენება მკურნალი ვეტერინარის შეხედულებისამებრ  და მისი მეთვალყურეობის ქვეშ.

მომატებული ინდივიდუალური მგრძნობელობა პრეპარატის კომპონენტების მიმართ.

დაყოვნების პერიოდი

ხორცი, რძე და კვერცხი გამოიყენება შეუზღუდავად.

შენახვის პირობები

ინახება მშრალ, სინათლისაგან დაცულ ადგილას, არაუმეტეს 25°ჩ ტემპერატურაზე.

ვარგისობის ვადა:  2 წელი

მწარმოებელი ქვეყანა: შპს “ბიოტეკსი”, საქართველო