ენროფლოქსაცინა 10% (Enrofloksacyna 10%)

 

100 მგ/მლ,

ხსნარი სასმელი წყალით მისაღები.

ქათმების, ინდაურისა და მტრედებისთვის

ენროფლოქსაცინი (Enrofloxacin)

 

შემადგენლობა

1 მლ შეიცავს:

აქტიური ნივთიერება:

ენროფლოქსაცინი 100 მგ

 

ჩვენებები

ენროფლოქსაცინისადმი მგრძნობიარე ბაქტერიებით გამოწვეული ინფექციების მკურნალობა:

ქათამი:  Mycoplasma gallisepticum, Mycoplasma synoviae, Avibacterium paragallinarum, Pasteurella multocida.

ინდაურები: Mycoplasma gallisepticum, Mycoplasma synoviae, Pasteurella multocida.

მტრედები:  მიკოპლაზმები გამოწვეული: Mycoplasma spp., in particular: M. gallisepticum, M. Synoviae; რესპირატორული დაავადებები გამოწვეული: Heamophilus spp., Pasteurella spp., Bordetella bronchiseptica, Chlamydia psittaci;

კუჭ-ნაწლავის ინფექციები გამოწვეული: E. coli, Salmonella spp.-ით

სტაფილოკოკური ინფექციები გამოწვეული: Staphylococcus spp.-ით.

 

უკუჩვენებები

არ გამოიყენოთ პროფილაქტიკის მიზნით.

არ გამოიყენოთ, თუ სამკურნალოდ განკუთვნილ საფრინველეში არსებობს (ფტორ)ქინოლონების მიმართ რეზისტენტობის/ჯვარედინი რეზისტენტობის რისკი.

არ გამოიყენოთ პროდუქტი ფრინველში, რომლებსაც აქვთ ცენტრალური ნერვული სისტემის დაზიანება ან თირკმელის უკმარისობა.

არ გამოიყენოთ ქინოლონების მიმართ ჰიპერმგრძნობელობის შემთხვევაში.

 

გვერდითი რეაქციები

გვერდითი რეაქციები ვლინდება ძალიან იშვიათად. ხანგრძლივი დროის განმავლობაში მაღალი დოზების მიღების შემდეგ, მოზარდებში შეიძლება შეინიშნოს ცვლილებები სასახსრე ხრტილის განვითარებაში.

თუ ამ პროდუქტის გამოყენების შემდეგ მოხდა გვერდითი რეაქციები ან თუ შეინიშნება რაიმე საგანგაშო სიმპტომები, რომელიც არ არის ჩამოთვლილი ანოტაციაში (მათ შორის, სიმპტომები ადამიანებში, რომლებიც გამოწვეულია პროდუქტთან კონტაქტით), უნდა აცნობოთ კომპეტენტურ პირს, ვეტერინარს, პასუხისმგებელ ორგანოს ან ოფისს.

 

სამიზნე სახეობები

ქათამი, ინდაური, მტრედი

 

დოზირება და მიღების მეთოდი

ქათამი და ინდაური:

10 მგ ენროფლოქსაცინი/კგ სხეულის მასაზე დღეში, ზედიზედ 3-5 დღის განმავლობაში.

მიიღება ზედიზედ 3-5 დღის განმავლობაში; შერეული ინფექციების ან პროგრესირებადი ქრონიკული ინფექციების შემთხვევაში 5 დღის განმავლობაში. თუ კლინიკური გაუმჯობესება არ მოხდება 2-3 დღის განმავლობაში, ალტერნატიული ანტიმიკრობული საშუალებებით მკურნალობა უნდა განიხილებოდეს მგრძნობელობის ტესტირების შედეგების საფუძველზე.

მტრედი: 10 მგ ენროფლოქსაცინი/კგ სხეულის მასაზე დღეში. პრეპარატი შეჰყავთ სასმელ წყალთან ერთად, გამომდინარე იქიდან, რომ 20 მტრედი დღეში საშუალოდ 1 ლიტრ წყალს სვამს. ცხელ ამინდში მოხმარებული წყლის რაოდენობა 2-3-ჯერ იზრდება, რაც მხედველობაში უნდა იქნას მიღებული დოზირებისას.

სალმონელოზი - ნაწლავის მწვავე ფორმა - 1 მლ პროდუქტი 1 ლიტრ წყალზე 7-10 დღის განმავლობაში. სალმონელოზი - მწვავე ენტეროარტიკულური ფორმა - მკურნალობის 1-დან მე-3 დღის ჩათვლით - 2 მლ პროდუქტი 1 ლიტრ სასმელ წყალზე, მკურნალობის მე-4 დღიდან მე-10 დღეს - 1 მლ პროდუქტი 1 ლიტრ სასმელ წყალზე.

მიკოპლაზმოზი, რესპირატორული დაავადებები - 1 მლ პროდუქტი 1 ლიტრ წყალზე 5-7 დღის განმავლობაში.

კოლიბაქტერიოზი, სტაფილოკოკური ინფექციები - 1 მლ პროდუქტი 1 ლიტრ წყალზე 7 დღის განმავლობაში.

არასათანადო დოზირების თავიდან აცილების მიზნით, ფრინველის სხეულის წონა უნდა შეფასდეს რაც შეიძლება ზუსტად. მომზადებული ხსნარი უნდა იქნას გამოყენებული 1 დღის განმავლობაში. სითხის მიღება დამოკიდებულია ბევრ ფაქტორზე, მათ შორის ფრინველის ასაკზე,  კლინიკურ მდგომარეობაზე და გარემო პირობებზე. სწორი დოზის უზრუნველსაყოფად სითხის მიღება უნდა კონტროლდებოდეს და წამლის ხსნარის კონცენტრაცია უნდა დარეგულირდეს შესაბამისად, სრული დოზის მიღების უზრუნველსაყოფად. სამკურნალო ხსნარი უნდა იყოს წყლის მიღების ერთადერთი წყარო.

 

საჭირო რეკომენდაციები

პროდუქტი მიიღება სასმელ წყალთან ერთად.

 

ლოდინის პერიოდი

ქათამი: საკვებ ქსოვილებში: 7 დღე.

ინდაური: საკვებ ქსოვილებში: 13 დღე.

პროდუქტი არ არის დამტკიცებული გამოსაყენებლად ფრინველში, რომელთა კვერცხი იწარმოება ადამიანის მოხმარებისთვის.

არ გამოიყენოთ მოზარდ ფრინველში, რომლებიც გამოზრდილია კვერცხდებისთვის, კვერცხდების დაწყებამდე 14 დღით ადრე პერიოდში.  

არ გამოიყენოთ მტრედებში, რომელთა ქსოვილები განკუთვნილია ადამიანის საკვებში მოხმარებისთვის.

შენახვის პირობები

შეინახეთ ბავშვებისთვის მიუწვდომელ ადგილას.

ინახება არაუმეტეს 25°C ტემპერატურაზე. დაიცავით სინათლისა და ტენიანობისგან.

არ გამოიყენოთ პრეპარატი ეტიკეტზე მითითებული ვარგისიანობის ვადის გასვლის შემდეგ.

შენახვის ვადა პირველადი შეფუთვის პირველი გახსნის შემდეგ: 60 დღე.

შენახვის ვადა განზავების შემდეგ ინსტრუქციის თანახმად 24 საათი.

 

 სპეციალური გაფრთხილებები

სპეციფიკური გაფრთხილებები თითოეული სამიზნე სახეობისთვის:

Mycoplasma spp-ით გამოწვეული ინფექციების მკურნალობამ შეიძლება არ გამოიწვიოს ამ ბაქტერიების განადგურება.

 

განსაკუთრებული სიფრთხილის ზომები ცხოველებზე გამოყენებისას:

მას შემდეგ, რაც ენროფლოქსაცინი პირველად იქნა ნებადართული მეფრინველეობაში გამოსაყენებლად, დაფიქსირდა E. Coli-ს ფტორქინოლონების მიმართ მგრძნობელობის ფართო დაქვეითება  და რეზისტენტული ორგანიზმების გაჩენა. რეზისტენტობა Mycoplasma synoviae-ს მიმართ ასევე დაფიქსირდა ევროკავშირშიც. პრეპარატის გამოყენებისას მხედველობაში უნდა იქნას მიღებული რეკომენდაციები გონივრული გამოყენების შესახებ, ოფიციალური და რეგიონალური პოლიტიკა ანტიბაქტერიულ საშუალებებთან დაკავშირებით. ფტორქინოლონები უნდა იქნას გამოყენებული მხოლოდ იმ შემთხვევებში, როცა მკურნალობა გართულებულია ან როცა ცუდად რეაგირებს სხვა კლასის ანტიბაქტერიულ აგენტებზე. შეძლებისდაგვარად, ფტორქინოლონების გამოყენება უნდა ეფუძნებოდეს მგრძნობელობის ტესტის შედეგებს. პროდუქტის გამოყენებამ, გარდა გამოყენების ინსტრუქციისა, შეიძლება გამოიწვიოს ფტორქინოლონებისადმი რეზისტენტული ბაქტერიების გავრცელება და სხვა ქინოლონებით მკურნალობის ეფექტურობის დაქვეითება ჯვარედინი რეზისტენტობის შესაძლებლობის გამო.

 

განსაკუთრებული სიფრთხილის ზომები იმ პირებისთვის, რომლებიც აძლევენ ცხოველებს ვეტერინარულ სამკურნალო საშუალებებს:

ფტორქინოლონების მიმართ ჰიპერმგრძნობელობის მქონე ადამიანებმა თავი უნდა აარიდონ პროდუქტთან პირდაპირ კონტაქტს. პროდუქტის გამოყენების შემდეგ დაიბანეთ ხელები. კანის ზედაპირი დაიბანეთ საპნით და წყლით. თვალებთან შემთხვევითი კონტაქტის შემთხვევაში დაუყოვნებლივ ჩამოიბანეთ სუფთა წყლით.

 

საინკუბაციო კვერცხი: პროდუქტის გამოყენება ნებადართულია კვერცხმდები ქათმებისთვის, რომელთა კვერცხი განკუთვნილია ინკუბატორში ჩასადებად. 

 

სხვა სამკურნალო საშუალებებთან ურთიერთქმედება

არ გამოიყენოთ მაგნიუმის და ალუმინის მარილების, რკინისა და თუთიის შემცველ პრეპარატებთან ერთად ენროფლოქსაცინის ბიოშეღწევადობის შემცირების გამო. არ გამოიყენოთ მაკროლიდურ ანტიბიოტიკებთან, ტეტრაციკლინებთან, ფურანებთან და არასტეროიდულ ანთების საწინააღმდეგო საშუალებებთან ერთად ანტაგონისტური რეაქციის შესაძლებლობის გამო. არ გამოიყენოთ ერთდროულად თეოფილინთან, რადგან ფტორქინოლონებს შეუძლიათ დათრგუნონ ციტოქრომ P-450 ფერმენტული სისტემა.

 

დოზის გადაჭარბება (სიმპტომები, გადაუდებელი ზომები, ანტიდოტები)

დოზის გადაჭარბების სიმპტომები ვლინდება რეკომენდებულ თერაპიულ დოზაზე მრავალჯერ გაზრდილი დოზების მიღების შემდეგ. ფრინველებში 100 მგ/კგ სხეულის მასაზე დოზის მიღების შემდეგ ვლინდება სიმპტომები, მათ შორის მოუსვენრობა და თავის ქნევა. ტოქსიკური ზემოქმედების პირველი სიმპტომები ვლინდება 500 მგ/კგ სხეულის მასაზე დოზებით და ვლინდება მოძრაობის დარღვევებით, ღებინება, თავის ქნევა და იატაკზე დარტყმით. შემთხვევითი დოზის გადაჭარბების შემთხვევაში უნდა ჩატარდეს სიმპტომური მკურნალობა - ენროფლოქსაცინის საწინააღმდეგო ანტიდოტები არ არსებობს.  

 

შეუთავსებლობა

თავსებადობის კვლევების არარსებობის შემთხვევაში, ეს ვეტერინარული პრეპარატი არ უნდა იყოს შერეული სხვა ვეტერინარულ სამკურნალო საშუალებებთან.

 

განსაკუთრებული სიფრთხილის ზომები გამოუყენებელი ვეტერინარული სამკურნალო საშუალების ან ნარჩენების მასალების განადგურებასთან დაკავშირებით, ასეთის არსებობის შემთხვევაში.

სამკურნალო საშუალება არ უნდა გადააგდოთ კანალიზაციაში ან ნაგავში.

ჰკითხეთ ვეტერინარს,  როგორ გაანადგუროთ გამოუყენებელი მედიკამენტები. ეს ხელს შეუწყობს გარემოს დაცვას

 

გამოშვების ფორმა:  1000 მლ პოლიეთილენის ბოთლში

 

მწარმოებელი: Biowet Drwalew