პრეპარატის ფორმა: პერორალურად მისაღები ხსნარი, გამოიყენება ვეტერინარიაში.

ფარმაკოთერაპიული ჯგუფი: საჭმლის მომნელებელ სისტამაზე მოქმედი საშუალება. ექტოპარაზიტების საწინააღმდეგო საშუალება.

სამიზნე სახეობა: მსხვილფეხა პირუტყვი, ცხვარი, თხა, ძაღლი.

მწარმოებელი ქვეყანა: ბიოტეკსი, საქართველო.

შემადგენლობა: 1 მლ შეიცავს: შხამას ფესვების ექსტრაქტი 100მგ.

გამოყენების ჩვენებები

მსხვილფეხა პირუტყვი, ცხვარი, თხა – პრეპარატი გამოიყენება პერორალურად, როგორც რუმინატორული საშუალება წინაკუჭების დაავადების დროს (ქრონიკული ატონია, ტიმპანია, ფაშვის საკვებით გადავსება და სხვა).

ძაღლი – გამოიყენება, როგორც ამოსაღებინებელი და ექტოპარაზიტების საწინააღმდეგო საშუალება.
გამოშვების ფორმა: 10მლ მინის გაუმჭირვალე ფლაკონი და 250მლ პოლიეთილენის ფლაკონი.

გამოყენების წესი და დოზები

შინაგანი გამოყენებისას: 

შხამას ნაყენი ეძლევა პერორალურად სასმელ წყალთან ერთად შემდეგი დოზებით:

მსხვილფეხა პირუტყვს - ერთჯერადად, 5-12 მლ სულზე ან 2-2,5 მლ/100კგ ც.წ.;
ცხვრებსა და თხებს - 2-4 მლ სულზე ან 0,7-0,8 მლ/10კგ ც.წ.;
ძაღლებს - 0,5-2 მლ სულზე 1-2-ჯერ დღეში გამოჯანმრთელებამდე.

ფაშვის ქრონიკული ტიმპანიის დროს ზემოაღნიშნულ დოზას ყოფენ 3 ნაწილად და აძლევენ 3 საათიანი შუალედით.

გარეგანი გამოყენებისას:

გამოიყენება გარეგანი პარაზიტების (რწყილებთან, ტილებთან, ბალნიჭამიებთან და ტკიპებთან) საბრძოლველად. ნაყენს წინასწარ ანზავებენ არაქლორირებულ წყალში (1:1), ცხოველებს შეასხურებენ ხსნარს ზურგზე ექტოპარაზიტების თავმოყრის ადგილებში, 15-20 წუთის შემდეგ დამუშავებულ ადგილს გულმოდგინებით ვარცხნიან და ბანენ საპნიანი წყლით (ან შამპუნით). განმეორებით დამუშავებას ატარებენ 8-10 დღე-ღამის შემდეგ.

შენახვის პირობები

ინახება მშრალ, ბნელ ადგილას კარგად დახურულ ჭურჭელში 18-22°C - ტემპერატურაზე.

ვარგისიანობის ვადა: 2 წელი.